hum ko aisa guman hone laga

ham ko aisā gumān hone lagā

vaqt kuchh mehrbān hone lagā

dil meñ kis kā ḳhayāl aayā hai

ḳhushbū ḳhushbū makān hone lagā

us ne zulfeñ bikher diiñ apnī

bādaloñ kā gumān hone lagā

phir kabūtar uḌaa.e haiñ us ne

phir lo amn-o-amān hone lagā

un kī nazreñ badal ga.iiñ shāyad

vaqt nā-mehrbān hone lagā

phir vo rūThā hai chāñd sā chehra

phir mirā imtihān hone lagā

dil nahīñ hai dimāġh ke taabe

muntashir ḳhāndān hone lagā

umr kā kaun sā paḌāv hai ye

jism jarjar makān hone lagā

ab zamīñ par qadam nahīñ Tikte

qad mirā āsmān hone lagā

koī qīmat nahīñ hai īmāñ kī

ye bhī muflis kī jaan hone lagā

aa ga.e din chhaḌī pakaḌne ke

merā beTā javān hone lagā

jab se saayā uThā buzurgoñ kā

sar se gum sā.ebān hone lagā

ruuh uktā ga.ī badan se 'suhaib'

jism jab se kamān hone lagā

hum ko aisa guman hone laga

waqt kuchh mehrban hone laga

dil mein kis ka KHayal aaya hai

KHushbu KHushbu makan hone laga

us ne zulfen bikher din apni

baadalon ka guman hone laga

phir kabutar uDae hain us ne

phir lo amn-o-aman hone laga

un ki nazren badal gain shayad

waqt na-mehrban hone laga

phir wo ruTha hai chand sa chehra

phir mera imtihan hone laga

dil nahin hai dimagh ke tabe

muntashir KHandan hone laga

umr ka kaun sa paDaw hai ye

jism jarjar makan hone laga

ab zamin par qadam nahin Tikte

qad mera aasman hone laga

koi qimat nahin hai iman ki

ye bhi muflis ki jaan hone laga

aa gae din chhaDi pakaDne ke

mera beTa jawan hone laga

jab se saya uTha buzurgon ka

sar se gum saeban hone laga

ruh ukta gai badan se 'suhaib'

jism jab se kaman hone laga