hum koi nadan nahin ki bachchon ki si baat karen

ham koī nādān nahīñ ki bachchoñ kī sī baat kareñ

jiinā koī khel nahīñ hai baiTho tuk kī baat kareñ

shiv to nahīñ ham phir bhī ham ne duniyā bhar ke zahr piye

itnī kaḌvāhaT hai muñh meñ kaise mīThī baat kareñ

ham ne sab ko muflis pā ke toḌ diyā dil kā kashkol

ham ko koī kyā de degā kyuuñ muñh-dekhī baat kareñ

ham ne kab ye gur sīkhā ham Thahre sīdhe-sāde log

jis kī jaisī fitrat dekheñ us se vaisī baat kareñ

hum koi nadan nahin ki bachchon ki si baat karen

jina koi khel nahin hai baiTho tuk ki baat karen

shiw to nahin hum phir bhi hum ne duniya bhar ke zahr piye

itni kaDwahaT hai munh mein kaise miThi baat karen

hum ne sab ko muflis pa ke toD diya dil ka kashkol

hum ko koi kya de dega kyun munh-dekhi baat karen

hum ne kab ye gur sikha hum Thahre sidhe-sade log

jis ki jaisi fitrat dekhen us se waisi baat karen