hum log to aakas ki belon mein ghire hain

ham log to ākās kī beloñ meñ ghire haiñ

ḳhush-baḳht haiñ jo gulshan-e-hastī meñ khile haiñ

is dhuup kī shiddat se nahīñ koī mafar ab

dīvār ke saa.e meñ baḌe log khaḌe haiñ

kis kis ko dikhāte raheñ jeboñ ke ye sūrāḳh

har moḌ pe kashkol liye log khaḌe haiñ

ik roz hamīñ hoñge ujāle ke payambar

ham log ki muddat se añdhere meñ paḌe haiñ

ye ziist kuchh aise hai ki uljhe hue dhāge

TuuTe hue nikleñ jinheñ samjheñ ki sire haiñ

har roz koī Tāñkā udhaḌ jaatā hai phir se

ham vaqt kī sozan se ka.ī baar sile haiñ

jab vaqt paḌā dekhnā de jā.eñge dhokā

ye dost nahīñ 'faḳhr' sabhī kachche ghaḌe haiñ

hum log to aakas ki belon mein ghire hain

KHush-baKHt hain jo gulshan-e-hasti mein khile hain

is dhup ki shiddat se nahin koi mafar ab

diwar ke sae mein baDe log khaDe hain

kis kis ko dikhate rahen jebon ke ye suraKH

har moD pe kashkol liye log khaDe hain

ek roz hamin honge ujale ke payambar

hum log ki muddat se andhere mein paDe hain

ye zist kuchh aise hai ki uljhe hue dhage

TuTe hue niklen jinhen samjhen ki sire hain

har roz koi Tanka udhaD jata hai phir se

hum waqt ki sozan se kai bar sile hain

jab waqt paDa dekhna de jaenge dhoka

ye dost nahin 'faKHr' sabhi kachche ghaDe hain