hum mutmain hain uski raza ke baghair bhi
ham mutma.in haiñ us kī razā ke baġhair bhī
har kaam chal rahā hai ḳhudā ke baġhair bhī
lipTī huī hai jism se zanjīr-e-maslahat
be-dast-o-pā haiñ log sazā ke baġhair bhī
ik kārobār-e-shauq hī aisā hai jis meñ ab
chaltā hai kaam makr-o-riyā ke baġhair bhī
ik lamha apne-āp ko yakjā na kar sake
ham muntashir haiñ sail-e-balā ke baġhair bhī
ik chup sī lag ga.ī thī mujhe us ke rū-ba-rū
maiñ sar-nigūñ khaḌā thā ḳhatā ke baġhair bhī
hum mutmain hain us ki raza ke baghair bhi
har kaam chal raha hai KHuda ke baghair bhi
lipTi hui hai jism se zanjir-e-maslahat
be-dast-o-pa hain log saza ke baghair bhi
ek karobar-e-shauq hi aisa hai jis mein ab
chalta hai kaam makr-o-riya ke baghair bhi
ek lamha apne-ap ko yakja na kar sake
hum muntashir hain sail-e-bala ke baghair bhi
ek chup si lag gai thi mujhe us ke ru-ba-ru
main sar-nigun khaDa tha KHata ke baghair bhi
- Book : intesaab (Pg. 19)
- Author : sultan akhtar
- Publication : Educational publishing house (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
