hum na hote kaKH-e-musht-e-KHak hota ghaaliban

ham na hote kāḳh-e-musht-e-ḳhāk hotā ġhāliban

be-samā.at naġhma-e-laulāk hotā ġhāliban

aap ne achchhā kiyā tathīr-e-ḳhvāhish hī na kī

varna zamzam chashma-e-nāpāk hotā ġhāliban

ātish-e-karb-o-balā ne hosh ke nāḳhun liye

josh meñ sail-e-ḳhas-o-ḳhāshāk hotā ġhāliban

ḳhud hī bātil-sāz ne hañgāma-ārā.ī na kī

ḳhush-libās-e-haq bhī dāman-chāk hotā ġhāliban

hādsoñ ke ḳhauf se ehsās kī had meñ na thā

varna nafs-e-mutma.in saffāk hotā ġhāliban

soch kar hī to lagāyā hājib-e-shams-o-qamar

lā-makāñ par qabza-e-idrāk hotā ġhāliban

sho.alagī ne is ko 'rāhī' sad-shikasta kar diyā

aa.ina dil sūrat-e-zahhāk hotā ġhāliban

hum na hote kaKH-e-musht-e-KHak hota ghaaliban

be-samaat naghma-e-laulak hota ghaaliban

aap ne achchha kiya tathir-e-KHwahish hi na ki

warna zamzam chashma-e-napak hota ghaaliban

aatish-e-karb-o-bala ne hosh ke naKHun liye

josh mein sail-e-KHas-o-KHashak hota ghaaliban

KHud hi baatil-saz ne hangama-arai na ki

KHush-libas-e-haq bhi daman-chaak hota ghaaliban

hadson ke KHauf se ehsas ki had mein na tha

warna nafs-e-mutmain saffak hota ghaaliban

soch kar hi to lagaya hajib-e-shams-o-qamar

la-makan par qabza-e-idrak hota ghaaliban

shoalagi ne is ko 'rahi' sad-shikasta kar diya

aaina dil surat-e-zahhak hota ghaaliban