hum na mahzuz hue hain kisi shai se aise

ham na mahzūz hue haiñ kisī shai se aise

jaise masrūr haiñ piine sate mai se aise

na hameñ kaam hai hashmat sate jamshed ke kuchh

boriyā bas hai ba-az masnad-e-kai se aise

chhoḌ duniyā ko ba-duniyā ze-haqīqat duniyā

ḳhuub vāqif huuñ rag-o-resha-o-pai se aise

diin duniyā kī mohabbat meñ agar ġhaur karo

hai tanaffur mujhe jis tarah se kai se aise

nai meñ tāqat nahīñ naa.e kā karishma zāhir

buujh naa.e kī sadā jo sune nai se aise

ḳhūb-rū agle zamāne ke haiñ ab tak maujūd

āfat-e-jān jo the haiñ vahī vaise aise

tū jo āvāra hai 'afrīdī' batā kis jā par

dil liyā kis ne tirā kaun sī lai se aise

hum na mahzuz hue hain kisi shai se aise

jaise masrur hain pine sate mai se aise

na hamein kaam hai hashmat sate jamshed ke kuchh

boriya bas hai ba-az masnad-e-kai se aise

chhoD duniya ko ba-duniya ze-haqiqat duniya

KHub waqif hun rag-o-resha-o-pai se aise

din duniya ki mohabbat mein agar ghaur karo

hai tanaffur mujhe jis tarah se kai se aise

nai mein taqat nahin nae ka karishma zahir

bujh nae ki sada jo sune nai se aise

KHub-ru agle zamane ke hain ab tak maujud

aafat-e-jaan jo the hain wahi waise aise

tu jo aawara hai 'afridi' bata kis ja par

dil liya kis ne tera kaun si lai se aise