ham-nafas KHwab-e-junun ki koi tabir na dekh

ham-nafas ḳhvāb-e-junūñ kī koī ta.abīr na dekh

raqs karnā hai to phir paañv kī zanjīr na dekh

tū kisī husn-e-jahāñ-soz kī tasvīr na dekh

apne guzre hue hālāt kī tafsīr na dekh

husn-e-tadbīr se taqdīr badal de apnī

jo hai hālāt se mansūb vo taqdīr na dekh

tū parastār-e-amal hai to amal kī ḳhātir

ḳhvāb-e-rañgīñ kī qasam ḳhvāb kī ta.abīr na dekh

razm-e-hastī se guzarnā hai agar tujh ko 'niyāz'

zulmat-e-shab ko samajh sub.h kī tanvīr na dekh

ham-nafas KHwab-e-junun ki koi tabir na dekh

raqs karna hai to phir panw ki zanjir na dekh

tu kisi husn-e-jahan-soz ki taswir na dekh

apne guzre hue haalat ki tafsir na dekh

husn-e-tadbir se taqdir badal de apni

jo hai haalat se mansub wo taqdir na dekh

tu parastar-e-amal hai to amal ki KHatir

KHwab-e-rangin ki qasam KHwab ki tabir na dekh

razm-e-hasti se guzarna hai agar tujh ko 'niyaz'

zulmat-e-shab ko samajh subh ki tanwir na dekh