humne aadab-e-gham ka pas kiya

ham ne ādāb-e-ġham kā paas kiyā

naqd-e-jāñ ko ziyāñ qayās kyā

ziist ke tajrabāt kā ham ne

misl-e-ā.īna in.ikās kiyā

ḳhabar-e-āgahī ke parde meñ

umr bhar mātam-e-havās kiyā

tohmat-e-sho.ala-zabāñ le kar

sūrat-e-zaḳhm iltimās kiyā

kaise ik lafz meñ bayāñ kar duuñ

dil ko kis baat ne udaas kiyā

aa gayā jab salīqa-e-ta.mīr

qasr-e-hastī ko be-asās kyā

kyuuñ 'sahar' tum ne apne sahrā ko

mauj-e-dariyā se rū-shanās kiyā

hum ne aadab-e-gham ka pas kiya

naqd-e-jaan ko ziyan qayas kya

zist ke tajrabaat ka hum ne

misl-e-aina inikas kiya

KHabar-e-agahi ke parde mein

umr bhar matam-e-hawas kiya

tohmat-e-shoala-zaban le kar

surat-e-zaKHm iltimas kiya

kaise ek lafz mein bayan kar dun

dil ko kis baat ne udas kiya

aa gaya jab saliqa-e-tamir

qasr-e-hasti ko be-asas kya

kyun 'sahar' tum ne apne sahra ko

mauj-e-dariya se ru-shanas kiya