humne dil se tujhe sada mana

ham ne dil se tujhe sadā maanā

tū baḌā thā tujhe baḌā maanā

'mīr'-o-'ġhālib' ke ba.ad 'anīs' ke ba.ad

tujh ko maanā baḌā bajā maanā

tū ki dīvāna-e-sadāqat thā

tū ne bande ko kab ḳhudā maanā

tujh ko parvā na thī zamāne kī

tū ne dil hī kā har kahā maanā

tujh ko ḳhud pe thā e'timād itnā

ḳhud hī ko to na rahnumā maanā

kī na shab kī kabhī pazīrā.ī

sub.h ko lā.eq-e-sanā maanā

hañs diyā sat.h-e-zehn-e-ālam par

jab kisī baat kā burā maanā

yuuñ to shā.ir the aur bhī ai 'josh'

ham ne tujh sā na dūsrā maanā

hum ne dil se tujhe sada mana

tu baDa tha tujhe baDa mana

'mir'-o-'ghaalib' ke baad 'anis' ke baad

tujh ko mana baDa baja mana

tu ki diwana-e-sadaqat tha

tu ne bande ko kab KHuda mana

tujh ko parwa na thi zamane ki

tu ne dil hi ka har kaha mana

tujh ko KHud pe tha e'timad itna

KHud hi ko to na rahnuma mana

ki na shab ki kabhi pazirai

subh ko laeq-e-sana mana

hans diya sath-e-zehn-e-alam par

jab kisi baat ka bura mana

yun to shair the aur bhi ai 'josh'

hum ne tujh sa na dusra mana