humne kab chaha ki wo shaKHs hamara ho jae

ham ne kab chāhā ki vo shaḳhs hamārā ho jaa.e

itnā dikh jaa.e ki āñkhoñ kā guzāra ho jaa.e

ham jise paas biThā leñ vo bichhaḌ jaatā hai

tum jise haath lagā do vo tumhārā ho jaa.e

tum ko lagtā hai ki tum jiit ga.e ho mujh se

hai yahī baat to phir khel dubāra ho jaa.e

hai mohabbat bhī ajab tarz-e-tijārat ki yahāñ

har dukāñ-dār ye chāhe ki ḳhasāra ho jaa.e

hum ne kab chaha ki wo shaKHs hamara ho jae

itna dikh jae ki aankhon ka guzara ho jae

hum jise pas biTha len wo bichhaD jata hai

tum jise hath laga do wo tumhaara ho jae

tum ko lagta hai ki tum jit gae ho mujh se

hai yahi baat to phir khel dubara ho jae

hai mohabbat bhi ajab tarz-e-tijarat ki yahan

har dukan-dar ye chahe ki KHasara ho jae