humne KHud ko kabhi bezar nahin hone diya

ham ne ḳhud ko kabhī bezār nahīñ hone diyā

apnī ummīd ko mismār nahīñ hone diyā

apne jazbāt kā iz.hār nahīñ hone diyā

zindagī ko kabhī aḳhbār nahīñ hone diyā

mushkileñ laakh milīñ raah meñ ham ko lekin

apne kirdār ko lāchār nahīñ hone diyā

ham ne nuqsān uThā kar bhī nibhā.e rishte

pyaar ke jazbe ko byopār nahīñ hone diyā

ham jo bistar pe paḌe kaun sañbhālegā hameñ

bas isī fikr ne bīmār nahīñ hone diyā

apne bachchoñ ko suhūlat kī har ik shai de kar

ham ne ḳhud un ko samajhdār nahīñ hone diyā

ḳhvāb dekhā thā kabhī ham ne bhī 'madhuman' koī

par muqaddar ne vo sākār nahīñ hone diyā

hum ne KHud ko kabhi bezar nahin hone diya

apni ummid ko mismar nahin hone diya

apne jazbaat ka izhaar nahin hone diya

zindagi ko kabhi aKHbar nahin hone diya

mushkilen lakh milin rah mein hum ko lekin

apne kirdar ko lachaar nahin hone diya

hum ne nuqsan uTha kar bhi nibhae rishte

pyar ke jazbe ko byopar nahin hone diya

hum jo bistar pe paDe kaun sanbhaalega hamein

bas isi fikr ne bimar nahin hone diya

apne bachchon ko suhulat ki har ek shai de kar

hum ne KHud un ko samajhdar nahin hone diya

KHwab dekha tha kabhi hum ne bhi 'madhuman' koi

par muqaddar ne wo sakar nahin hone diya