humne ki hai tauba aur dhumen machati hai bahaar
humne ki hai tauba aur dhumen machati hai bahaar
Mazhar Mirza Jaan-e-Janaan
MORE BYMazhar Mirza Jaan-e-Janaan
ham ne kī hai tauba aur dhūmeñ machātī hai bahār
haa.e bas chaltā nahīñ kyā muft jaatī hai bahār
lāla-e-gul ne hamārī ḳhaak par Daalā hai shor
kyā qayāmat hai muoñ ko bhī satātī hai bahār
shāḳh-e-gul hiltī nahīñ ye bulbuloñ ko baaġh meñ
haath apne ke ishāre se bulātī hai bahār
ham giraftāroñ ko ab kyā kaam hai gulshan se lek
jī nikal jaatā hai jab sunte haiñ aatī hai bahār
nargis o gul kī khilī jaatī haiñ kaliyāñ dekho sab
phir bhī un ḳhvābīda fitnoñ ko jagātī hai bahār
hum ne ki hai tauba aur dhumen machati hai bahaar
hae bas chalta nahin kya muft jati hai bahaar
lala-e-gul ne hamari KHak par Dala hai shor
kya qayamat hai muon ko bhi satati hai bahaar
shaKH-e-gul hilti nahin ye bulbulon ko bagh mein
hath apne ke ishaare se bulati hai bahaar
hum giraftaron ko ab kya kaam hai gulshan se lek
ji nikal jata hai jab sunte hain aati hai bahaar
nargis o gul ki khili jati hain kaliyan dekho sab
phir bhi un KHwabida fitnon ko jagati hai bahaar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
