ہم نے مانا کہ جہاں ہم تھے گلستاں تو نہ تھا

ہم نے مانا کہ جہاں ہم تھے گلستاں تو نہ تھا

مگر ایسا بھی وہاں کوچۂ ویراں تو نہ تھا

اپنا سایہ تھا فقط زیست کا ساماں تو نہ تھا

ساتھ چلتا تھا جو سایہ مرے انساں تو نہ تھا

خار و خس گل سے نہیں کم ترے ویرانوں کے

دشت میں ورنہ کہیں کوئی گلستاں تو نہ تھا

ذرہ ذرہ ہے تری خاک کا محبوب مجھے

اس کا احساس مجھے یاں ہے مگر واں تو نہ تھا

مجھ پہ الزام لگاتے ہو جنوں خیزی کا

چاک داماں تھا مگر چاک گریباں تو نہ تھا

کون سمجھے گا اسے اس کو ضرورت کیا ہے

کبھی محتاج بیاں قصۂ سلطاںؔ تو نہ تھا