humne to is ishq mein yaro khinche hain aazar bahut

ham ne to is ishq meñ yaaro khīñche haiñ āzār bahut

tum kuchh us kī baat karo hai jis se tum ko pyaar bahut

log ham aise nā-dānoñ ko ā.eñge samjhāne bhī

terā ġham phir terā ġham hai ġham hai to ġham-ḳhvār bahut

aa.e mausam-e-gul dekheñ vo kis kis ko zanjīr kareñ

ab ke sunā hai ahl-e-chaman bhī baiThe haiñ bezār bahut

in ko behis jaan na saaqī avval-e-shab hai bāda-nosh

raat Dhale mahsūs kareñge shīshe kī jhankār bahut

apnā apnā husn-e-nazar hai apnī apnī manzil hai

shart mayassar aatā hai to sāya-e-zulf-e-yār bahut

hum ne to is ishq mein yaro khinche hain aazar bahut

tum kuchh us ki baat karo hai jis se tum ko pyar bahut

log hum aise na-danon ko aaenge samjhane bhi

tera gham phir tera gham hai gham hai to gham-KHwar bahut

aae mausam-e-gul dekhen wo kis kis ko zanjir karen

ab ke suna hai ahl-e-chaman bhi baiThe hain bezar bahut

in ko behis jaan na saqi awwal-e-shab hai baada-nosh

raat Dhale mahsus karenge shishe ki jhankar bahut

apna apna husn-e-nazar hai apni apni manzil hai

shart mayassar aata hai to saya-e-zulf-e-yar bahut