hum raazdar-e-markaz-e-parkar-e-ishq hain

ham rāzdār-e-markaz-e-parkār-e-'ishq haiñ

yā'nī binā-e-raunaq-e-bāzār-e-ishq haiñ

jin ke saroñ se zīnat-e-nok-e-sināñ huī

vo sarfarosh zīnat-e-dastār-e-'ishq haiñ

‘asr-e-munāfaqat meñ jiyeñ bhī to kyā jiyeñ

masnad-nashīn-e-dahr talabgār-e-'ishq haiñ

ahl-e-junūñ to sab yahāñ maqtal sajā.eñge

ahl-e-ḳhirad udhar pas-e-dīvār-e-'ishq haiñ

sarḳhail-e-'ishq sayyad-e-'ushshāq bhī hamīñ

is shash-jihāt meñ hamīñ sālār-e-'ishq haiñ

jalne lagā hai ḳhema-e-dil is tarah mirā

jaise numū-pazīr yaañ āsār-e-'ishq haiñ

ye rat-jage ye dasht-navardī kā zauq-o-shauq

achchhā miyāñ so aap bhī bīmār-e-'ishq haiñ

hum raazdar-e-markaz-e-parkar-e-'ishq hain

ya'ni bina-e-raunaq-e-bazar-e-ishq hain

jin ke saron se zinat-e-nok-e-sinan hui

wo sarfarosh zinat-e-dastar-e-'ishq hain

‘asr-e-munafaqat mein jiyen bhi to kya jiyen

masnad-nashin-e-dahr talabgar-e-'ishq hain

ahl-e-junun to sab yahan maqtal sajaenge

ahl-e-KHirad udhar pas-e-diwar-e-'ishq hain

sarKHail-e-'ishq sayyad-e-'ushshaq bhi hamin

is shash-jihat mein hamin salar-e-'ishq hain

jalne laga hai KHema-e-dil is tarah mera

jaise numu-pazir yan aasar-e-'ishq hain

ye rat-jage ye dasht-nawardi ka zauq-o-shauq

achchha miyan so aap bhi bimar-e-'ishq hain