ham-safar ho ke bhi ek gam nahin chal sakte

ham-safar ho ke bhī ik gaam nahīñ chal sakte

ham tire saath sar-e-ām nahīñ chal sakte

din meñ phir lete haiñ par yaad kī shiddat ke sabab

ham junūñ vaale sar-e-shām nahīñ chal sakte

aarzū merī bhī hai saath chalūñ tere magar

itne mahñge haiñ tire daam nahīñ chal sakte

saath chalne se manā us ne kiyā thā ik roz

aaj ham ne kahā mādām nahīñ chal sakte

ishq bhī tum se karūñ aur paḌhā.ī bhī karūñ

ek hī saath meñ do kaam nahīñ chal sakte

aap ḳhush-fikr haiñ ḳhush-rang bhī ḳhush-nām bhī haiñ

par kamā.ī meñ haiñ nā-kām nahīñ chal sakte

ham-safar ho ke bhi ek gam nahin chal sakte

hum tere sath sar-e-am nahin chal sakte

din mein phir lete hain par yaad ki shiddat ke sabab

hum junun wale sar-e-sham nahin chal sakte

aarzu meri bhi hai sath chalun tere magar

itne mahnge hain tere dam nahin chal sakte

sath chalne se mana us ne kiya tha ek roz

aaj hum ne kaha madam nahin chal sakte

ishq bhi tum se karun aur paDhai bhi karun

ek hi sath mein do kaam nahin chal sakte

aap KHush-fikr hain KHush-rang bhi KHush-nam bhi hain

par kamai mein hain na-kaam nahin chal sakte