ham-safar ho to ek kaam karo

ham-safar ho to ek kaam karo

guftugū ke binā kalām karo

palkeñ kab tak rukū meñ rakhoge

husn kā vāsta qayām karo

ek pal āñkheñ chaar kar ke mujhe

umr bhar ke liye ġhulām karo

lailā banñe se na karo inkār

pyaar chāhe barā.e-nām karo

us kā sūraj ġhurūb hotā nahīñ

husn kī mamlikat meñ shaam karo

gesū-e-yār se guzārish hai

bādaloñ kā to ehtirām karo

pyaar har diin kā ḳhulāsa hai

jis qadar ho sake ye aam karo

umr bhar jism bāzgasht sune

uñgliyoñ se kabhī kalām karo

dil ke andar se koī kahtā hai

husn vāloñ kā ehtirām karo

jaane kis kā javāb sun le ḳhudā

'qais' har shaḳhs ko salām karo

ham-safar ho to ek kaam karo

guftugu ke bina kalam karo

palken kab tak ruku mein rakhoge

husn ka wasta qayam karo

ek pal aankhen chaar kar ke mujhe

umr bhar ke liye ghulam karo

laila banne se na karo inkar

pyar chahe barae-nam karo

us ka suraj ghurub hota nahin

husn ki mamlikat mein sham karo

gesu-e-yar se guzarish hai

baadalon ka to ehtiram karo

pyar har din ka KHulasa hai

jis qadar ho sake ye aam karo

umr bhar jism bazgasht sune

ungliyon se kabhi kalam karo

dil ke andar se koi kahta hai

husn walon ka ehtiram karo

jaane kis ka jawab sun le KHuda

'qais' har shaKHs ko salam karo