ham-safar tham to sahi dil ko sambhaalun to chalun
ham-safar tham to sahī dil ko sambhālūñ to chalūñ
manzil-e-dost pe do ashk bahā luuñ to chalūñ
har qadam par haiñ mire dil ko hazāroñ uljhāo
dāman-e-sabr ko kāñToñ se chhuḌā luuñ to chalūñ
mujh sā kaun aa.egā tajdīd-e-makārim ke liye
dasht-e-imkāñ kī zarā ḳhaak uḌā luuñ to chalūñ
bas ġhanīmat hai ye shīrāza-e-lamhāt-e-bahār
dhuum se jashn-e-ḳharābāt manā luuñ to chalūñ
paañv zaḳhmī hue aur duur hai manzil 'vāsif'
ḳhūn-e-aslāf kī azmat ko jagā luuñ to chalūñ
ham-safar tham to sahi dil ko sambhaalun to chalun
manzil-e-dost pe do ashk baha lun to chalun
har qadam par hain mere dil ko hazaron uljhao
daman-e-sabr ko kanTon se chhuDa lun to chalun
mujh sa kaun aaega tajdid-e-makarim ke liye
dasht-e-imkan ki zara KHak uDa lun to chalun
bas ghanimat hai ye shiraaza-e-lamhat-e-bahaar
dhum se jashn-e-KHarabaat mana lun to chalun
panw zaKHmi hue aur dur hai manzil 'wasif'
KHun-e-aslaf ki azmat ko jaga lun to chalun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
