humse na hui jurat-e-izhaar-e-tamanna

ham se na huī jur.at-e-iz.hār-e-tamanna

ik umr rahe dil meñ liye ḳhār-e-tamannā

dil ho gayā hai jab se giraftār-e-tamanna

haañ sah rahe haiñ tab se ham āzār-e-tamanna

ai dost bujhā de ki abhī jaan hai baaqī

ab phūñk hī Dālegī mujhe nār-e-tamannā

lillāh nahīñ koī utar jaane kī sūrat

dosh-e-dil-e-nāzuk pe hai vo bār-e-tamannā

'maqbūl' isī meñ hai jo ḳhushnūdī-e-yārāñ

to ham bhī kiye dete haiñ īsār-e-tamanna

hum se na hui jurat-e-izhaar-e-tamanna

ek umr rahe dil mein liye KHar-e-tamanna

dil ho gaya hai jab se giraftar-e-tamanna

han sah rahe hain tab se hum aazar-e-tamanna

ai dost bujha de ki abhi jaan hai baqi

ab phunk hi Dalegi mujhe nar-e-tamanna

lillah nahin koi utar jaane ki surat

dosh-e-dil-e-nazuk pe hai wo bar-e-tamanna

'maqbul' isi mein hai jo KHushnudi-e-yaran

to hum bhi kiye dete hain isar-e-tamanna