hum tere bande hamara tu KHuda-wand-e-karim

ham tire bande hamārā tū ḳhudā-vand-e-karīm

dast-e-qudrat meñ tire donoñ-jahāñ kī tanzīm

bin tire hukm kī patta nahīñ hiltā hargiz

izn se tere hī chaltī hai zamāne meñ nasīm

tujh se poshīda nahīñ raaz kisī kā koī

ki tirī zaat hai asrār-e-nihānī kī aliim

kar diye 'barq'-e-tajallī ne magar hausle past

tum ko vallāh baḌī duur kī sūjhī thī kalīm

hum tere bande hamara tu KHuda-wand-e-karim

dast-e-qudrat mein tere donon-jahan ki tanzim

bin tere hukm ki patta nahin hilta hargiz

izn se tere hi chalti hai zamane mein nasim

tujh se poshida nahin raaz kisi ka koi

ki teri zat hai asrar-e-nihani ki alim

kar diye 'barq'-e-tajalli ne magar hausle past

tum ko wallah baDi dur ki sujhi thi kalim