ham to kitnoñ ko mah-jabīñ kahte
aap haiñ is liye nahīñ kahte
chāñd hotā na āsmāñ pe agar
ham kise aap sā hasīñ kahte
aap ke paañv phir kahāñ paḌte
ham zamīñ ko agar zamīñ kahte
aap ne auroñ se kahā sab kuchh
ham se bhī kuchh kabhī kahīñ kahte
aap ke ba.ad aap hī kahiye
vaqt ko kaise ham-nashīñ kahte
vo bhī vāhid hai maiñ bhī vāhid huuñ
kis sabab se ham āfrīñ kahte
hum to kitnon ko mah-jabin kahte
aap hain is liye nahin kahte
chand hota na aasman pe agar
hum kise aap sa hasin kahte
aap ke panw phir kahan paDte
hum zamin ko agar zamin kahte
aap ne auron se kaha sab kuchh
hum se bhi kuchh kabhi kahin kahte
aap ke baad aap hi kahiye
waqt ko kaise ham-nashin kahte
wo bhi wahid hai main bhi wahid hun
kis sabab se hum aafrin kahte
- Book : Chand Pukhraj Ka (Pg. 171)
- Author : Gulzar
- Publication : Roopa And Company (1995)
- Edition : 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
