aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum to qusur-war hue aankh Dal ke

Jaleel Manikpuri

hum to qusur-war hue aankh Dal ke

Jaleel Manikpuri

MORE BYJaleel Manikpuri

    ham to qusūr-vār hue aañkh Daal ke

    pūchho ki nikle kyuuñ the vo jauban nikāl ke

    āñkhoñ se ḳhvāb ho guzar kyā majāl hai

    pahre biThā diye haiñ kisī ke ḳhayāl ke

    dil meñ vo bhiiḌ hai ki zarā bhī nahīñ jagah

    aap aa.iye magar koī armāñ nikāl ke

    sad-shukr vasf-e-qad pe vo itnā to phuul uThe

    mazmūñ buland haiñ mire aalī ḳhayāl ke

    lazzat yahī khaTak jo hai rāh-e-ishq meñ

    rakh lūñgā dil meñ paañv ke kāñTe nikāl ke

    dil rah gayā ulajh ke nigāhoñ ke taar meñ

    achchhā vo jaan Daal ga.e aañkh Daal ke

    suniye to ik zarā mire ash.ār-e-dardnāk

    laayā huuñ maiñ kaleje ke TukḌe nikāl ke

    ā.īna hai jo un musāhib to kyā huā

    ham bhī kabhī the dekhne vaale jamāl ke

    likkhī hai khā ke ḳhūn-e-jigar ye ġhazal 'jalīl'

    misre nahīñ haiñ sher ke TukḌe haiñ laal ke

    hum to qusur-war hue aankh Dal ke

    puchho ki nikle kyun the wo jauban nikal ke

    aankhon se KHwab ka ho guzar kya majal hai

    pahre biTha diye hain kisi ke KHayal ke

    dil mein wo bhiD hai ki zara bhi nahin jagah

    aap aaiye magar koi arman nikal ke

    sad-shukr wasf-e-qad pe wo itna to phul uThe

    mazmun buland hain mere aali KHayal ke

    lazzat yahi khaTak ki jo hai rah-e-ishq mein

    rakh lunga dil mein panw ke kanTe nikal ke

    dil rah gaya ulajh ke nigahon ke tar mein

    achchha wo jaan Dal gae aankh Dal ke

    suniye to ek zara mere ashaar-e-dardnak

    laya hun main kaleje ke TukDe nikal ke

    aaina hai jo un ka musahib to kya hua

    hum bhi kabhi the dekhne wale jamal ke

    likkhi hai kha ke KHun-e-jigar ye ghazal 'jalil'

    misre nahin hain sher ke TukDe hain lal ke

    Source:

    Kainat-e-Jalil Manakpuri (Pg. 95)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now