hum tum the pahle ajnabi na-ashna itne na the

ham tum the pahle ajnabī nā-āshnā itne na the

ham bhī nahīñ the bad-gumāñ tum bhī ḳhafā itne na the

pahle bhī thiiñ tanhā.iyāñ lekin ye sūnā-pan na thā

pahle bhī tum se duur the lekin judā itne na the

gar ham na tum ko mil sake tum kyuuñ kisī ke ho ga.e

maanā ki ham majbūr the tum be-vafā itne na the

ham ne tumhārī aas meñ har dar pe sajda kar liyā

itnī aqīdat bhī na thī pahle ḳhudā itne na the

kar baiThe tark-e-ishq ham chāk-e-garebāñ sī liyā

'naġhma' bhī ḳhud hairān hai ham pārsā itne na the

hum tum the pahle ajnabi na-ashna itne na the

hum bhi nahin the bad-guman tum bhi KHafa itne na the

pahle bhi thin tanhaiyan lekin ye suna-pan na tha

pahle bhi tum se dur the lekin juda itne na the

gar hum na tum ko mil sake tum kyun kisi ke ho gae

mana ki hum majbur the tum be-wafa itne na the

hum ne tumhaari aas mein har dar pe sajda kar liya

itni aqidat bhi na thi pahle KHuda itne na the

kar baiThe tark-e-ishq hum chaak-e-gareban si liya

'naghma' bhi KHud hairan hai hum parsa itne na the