hum tumhein dusre logon se to achchhe paDte

ham tumheñ dūsre logoñ se to achchhe paḌte

ik to me'yār bhī thā dūsrā saste paḌte

'ishq ko sahl to ham bhī nahīñ kahte lekin

ho hī jaatā agar is kaam ke pīchhe paḌte

vo bhī kuchh ḳhaas tavajjoh se kahāñ suntā hai

ham bhī har baat batāte nahīñ puure paḌte

kuchh to hai jo use vīrān kiye rakhtā hai

varna aise hī kisī ko nahīñ halqe paḌte

haañ magar ab tirī tasvīr se vo rabt nahīñ

ik nazar dekh to letā huuñ nikalte paḌte

ḳhvāb meñ bhī maiñ pahuñchtā nahīñ par dekhtā huuñ

ḳhud ko apnī taraf aatā huā girte paḌte

hum tumhein dusre logon se to achchhe paDte

ek to me'yar bhi tha dusra saste paDte

'ishq ko sahl to hum bhi nahin kahte lekin

ho hi jata agar is kaam ke pichhe paDte

wo bhi kuchh KHas tawajjoh se kahan sunta hai

hum bhi har baat batate nahin pure paDte

kuchh to hai jo use viran kiye rakhta hai

warna aise hi kisi ko nahin halqe paDte

han magar ab teri taswir se wo rabt nahin

ek nazar dekh to leta hun nikalte paDte

KHwab mein bhi main pahunchta nahin par dekhta hun

KHud ko apni taraf aata hua girte paDte