ham vo nālāñ haiñ bolī-Tholī meñ
bulbuloñ ko jo leñ ThiTholī meñ
jāma-zeboñ se us ko nisbat kyā
laakh TukḌe haiñ gul kī cholī meñ
rañj-e-ġham khāne ko ḳhudā ne diyā
kyā nahīñ mujh gadā kī jholī meñ
alf-lailā sune vo gul to sunā.eñ
bulbuleñ ik hazār bolī meñ
ḳhūn-e-nāhaq hamārā uchhlegā
rañg laayā jo shoḳh holī meñ
chashm-e-ibrat se dekh parda-nashīñ
shakl tābūt kī hai Dolī meñ
sabza-e-ḳhat ho kyuuñ na jauhar-e-ḳhāl
zahr tiryāk kī hai golī meñ
bosa us sarv-e-qad se ham āzād
maañg lete haiñ bolī-Tholī meñ
'shād' ro ro diyā hai shabnam ne
jab guloñ ne liyā ThiTholī meñ
hum wo nalan hain boli-Tholi mein
bulbulon ko jo len ThiTholi mein
jama-zebon se us ko nisbat kya
lakh TukDe hain gul ki choli mein
ranj-e-gham khane ko KHuda ne diya
kya nahin mujh gada ki jholi mein
alf-laila sune wo gul to sunaen
bulbulen ek hazar boli mein
KHun-e-nahaq hamara uchhlega
rang laya jo shoKH holi mein
chashm-e-ibrat se dekh parda-nashin
shakl tabut ki hai Doli mein
sabza-e-KHat ho kyun na jauhar-e-KHal
zahr tiryak ki hai goli mein
bosa us sarw-e-qad se hum aazad
mang lete hain boli-Tholi mein
'shad' ro ro diya hai shabnam ne
jab gulon ne liya ThiTholi mein
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.