hum ye to nahin kahte ki gham kah nahin sakte

ham ye to nahīñ kahte ki ġham kah nahīñ sakte

par jo sabab-e-ġhum hai vo ham kah nahīñ sakte

ham dekhte haiñ tum meñ ḳhudā jaane buto kyā

is bhed ko allāh kī qasam kah nahīñ sakte

rusvā-e-jahāñ kartā hai ro ro ke hameñ tū

ham tujhe kuchh ai dīda-e-nam kah nahīñ sakte

kyā pūchhtā hai ham se tū ai shoḳh sitamgar

jo tū ne kiye ham pe sitam kah nahīñ sakte

hai sabr jinheñ talḳh-kalāmī ko tumhārī

sharbat hī batāte haiñ sam kah nahīñ sakte

jab kahte haiñ kuchh baat rukāvaT kī tire ham

ruk jaatā hai ye siine meñ dam kah nahīñ sakte

allāh re tirā ro'b ki ahvāl-e-dil apnā

de dete haiñ ham kar ke raqam kah nahīñ sakte

tubā-e-bahishtī hai tumhārā qad-e-ra.anā

ham kyūñkar kaheñ sarv-e-iram kah nahīñ sakte

jo ham pe shab-e-hijr meñ us māh-e-laqā ke

guzre haiñ 'zafar' ranj-o-alam kah nahīñ sakte

hum ye to nahin kahte ki gham kah nahin sakte

par jo sabab-e-ghum hai wo hum kah nahin sakte

hum dekhte hain tum mein KHuda jaane buto kya

is bhed ko allah ki qasam kah nahin sakte

ruswa-e-jahan karta hai ro ro ke hamein tu

hum tujhe kuchh ai dida-e-nam kah nahin sakte

kya puchhta hai hum se tu ai shoKH sitamgar

jo tu ne kiye hum pe sitam kah nahin sakte

hai sabr jinhen talKH-kalami ko tumhaari

sharbat hi batate hain sam kah nahin sakte

jab kahte hain kuchh baat rukawaT ki tere hum

ruk jata hai ye sine mein dam kah nahin sakte

allah re tera ro'b ki ahwal-e-dil apna

de dete hain hum kar ke raqam kah nahin sakte

tuba-e-bahishti hai tumhaara qad-e-rana

hum kyunkar kahen sarw-e-iram kah nahin sakte

jo hum pe shab-e-hijr mein us mah-e-laqa ke

guzre hain 'zafar' ranj-o-alam kah nahin sakte