hum yunhi bikhre nahin har-su KHas-o-KHashak mein

ham yūñhī bikhre nahīñ har-sū ḳhas-o-ḳhāshāk meñ

haiñ numū-bar-dosh rañg-o-bū ḳhas-o-ḳhāshāk maiñ

us ke hone kā gumāñ rahtā hai mere ās-pās

har taraf rach-bas ga.ī ḳhushbū ḳhas-o-ḳhāshāk maiñ

ho samar-āvar hamārī ābla-pā.ī kahīñ

chain aa jaa.e kasī pahlū ḳhas-o-ḳhāshāk maiñ

chāhiye hotī hai kisht-e-zar ko jab bhī kuchh numū

maiñ bahā detā huuñ kuchh aañsū ḳhas-o-ḳhāshāk meñ

jāntī hai vo basīrat tak ko uljhāne kā fan

jau kashish hai sūrat-e-jādū ḳhas-o-ḳhāshāk maiñ

jab udhar uThte haiñ tāle-āzmā.ūñ ke qadam

bujhne lagte haiñ idhar jugnū ḳhas-o-ḳhāshāk maiñ

ye to ai 'jāved' guzre mausamoñ kī raakh hai

āḳhirash kyā DhūñDhtā hai tū ḳhas-o-ḳhāshāk maiñ

hum yunhi bikhre nahin har-su KHas-o-KHashak mein

hain numu-bar-dosh rang-o-bu KHas-o-KHashak main

us ke hone ka guman rahta hai mere aas-pas

har taraf rach-bas gai KHushbu KHas-o-KHashak main

ho samar-awar hamari aabla-pai kahin

chain aa jae kasi pahlu KHas-o-KHashak main

chahiye hoti hai kisht-e-zar ko jab bhi kuchh numu

main baha deta hun kuchh aansu KHas-o-KHashak mein

jaanti hai wo basirat tak ko uljhane ka fan

jau kashish hai surat-e-jadu KHas-o-KHashak main

jab udhar uThte hain tale-azmaun ke qadam

bujhne lagte hain idhar jugnu KHas-o-KHashak main

ye to ai 'jawed' guzre mausamon ki rakh hai

aaKHirash kya DhunDhta hai tu KHas-o-KHashak main