hamare ghaw kabhi hum ko bhi dikhai den

hamāre ghaav kabhī ham ko bhī dikhā.ī deñ

'ilāj aisā karo ḳhud ko ham sunā.ī deñ

koī tabīb bhī chāragarī pe raazī nahīñ

mazār-e-zīst pe ab kis ko ham duhā.ī deñ

mukar gayā hai mirā yaar apne vā'de se

mubārakī meñ use kyoñ na ham miThā.ī deñ

vafā kā sunte hī kuchh log mujh se kahte haiñ

janāb aap bhī is kī kabhī safā.ī deñ

ye kyā ki faiz tirā auroñ meñ hī baTtā hai

kabhī to nain tire ham ko bhī rasā.ī deñ

hamare ghaw kabhi hum ko bhi dikhai den

'ilaj aisa karo KHud ko hum sunai den

koi tabib bhi chaaragari pe raazi nahin

mazar-e-zist pe ab kis ko hum duhai den

mukar gaya hai mera yar apne wa'de se

mubaraki mein use kyon na hum miThai den

wafa ka sunte hi kuchh log mujh se kahte hain

janab aap bhi is ki kabhi safai den

ye kya ki faiz tera auron mein hi baTta hai

kabhi to nain tere hum ko bhi rasai den