hamare KHwab sab tabir se bahar nikal aae

hamāre ḳhvāb sab ta.abīr se bāhar nikal aa.e

vo apne-āp kal tasvīr se bāhar nikal aa.e

ye ahl-e-hosh to ghar se kabhī bāhar nahīñ nikle

magar dīvāne har zanjīr se bāhar nikal aa.e

koī āvāz de kar dekh le muḌ kar na dekheñge

mohabbat tere ik ik tiir se bāhar nikal aa.e

dar-o-dīvār bhī ghar ke bahut māyūs the ham se

so ham bhī raat is jāgīr se bāhar nikal aa.e

baḌī mushkil zamīnoñ meñ gulābī rañg bharnā thā

bahut jaldī bayāz-e-'mīr' se bāhar nikal aa.e

hamare KHwab sab tabir se bahar nikal aae

wo apne-ap kal taswir se bahar nikal aae

ye ahl-e-hosh to ghar se kabhi bahar nahin nikle

magar diwane har zanjir se bahar nikal aae

koi aawaz de kar dekh le muD kar na dekhenge

mohabbat tere ek ek tir se bahar nikal aae

dar-o-diwar bhi ghar ke bahut mayus the hum se

so hum bhi raat is jagir se bahar nikal aae

baDi mushkil zaminon mein gulabi rang bharna tha

bahut jaldi bayaz-e-'mir' se bahar nikal aae