hamare pas kai aur zawiye bhi hain

hamāre paas ka.ī aur zāviye bhī haiñ

ham apnī aañkh se duniyā ko dekhte bhī haiñ

chalo ki faisla kar leñ ham aaj aapas meñ

yahāñ pe sañg bhī maujūd aa.ine bhī haiñ

ye log sair ko nikle hue haiñ in se Daro

kabhī kabhī to ye phūloñ ko rauñdte bhī haiñ

abhī se ḳhvāb kashish bhar rahe haiñ āñkhoñ meñ

abhī to ishq meñ ham tum na.e na.e bhī haiñ

añdherā dekh ke ghabrā na jā.iye hazrat

ham apne ghar ko kisī din charāġhte bhī haiñ

ham ahl-e-dil bhī haiñ aur ahl-e-fan bhī haiñ 'jāved'

suḳhan kashīd bhī karte tarāshte bhī haiñ

hamare pas kai aur zawiye bhi hain

hum apni aankh se duniya ko dekhte bhi hain

chalo ki faisla kar len hum aaj aapas mein

yahan pe sang bhi maujud aaine bhi hain

ye log sair ko nikle hue hain in se Daro

kabhi kabhi to ye phulon ko raundte bhi hain

abhi se KHwab kashish bhar rahe hain aankhon mein

abhi to ishq mein hum tum nae nae bhi hain

andhera dekh ke ghabra na jaiye hazrat

hum apne ghar ko kisi din charaghte bhi hain

hum ahl-e-dil bhi hain aur ahl-e-fan bhi hain 'jawed'

suKHan kashid bhi karte tarashte bhi hain