hamare pas na dil hai na dil ki baat koi

hamāre paas na dil hai na dil kī baat koī

guzar rahī hai hamāre saroñ se raat koī

akele milte haiñ sahrā ho yā ki dariyā ho

kisī ke saath nahīñ ham na apne saath koī

hamāre chehre pe sau rañg kī bahāreñ haiñ

ki jaise qalb meñ zinda hai kā.enāt koī

ab is ke ba.ad havā.eñ hī is kā muddat haiñ

shajar se TuuT rahā hai ḳhizāñ meñ paat koī

tamām fitna-e-daurāñ mujhī se ubhre haiñ

kahāñ hai ziist meñ mujh se alaihida zaat koī

hazār baar girā.ī haiñ us kī dīvāreñ

ki jaise dil bhī nahīñ dil hai somnāt koī

abas maiñ kaaT rahā huuñ ye zindagī 'māmūn'

nahīñ hai jiit koī is meñ aur na maat koī

hamare pas na dil hai na dil ki baat koi

guzar rahi hai hamare saron se raat koi

akele milte hain sahra ho ya ki dariya ho

kisi ke sath nahin hum na apne sath koi

hamare chehre pe sau rang ki bahaaren hain

ki jaise qalb mein zinda hai kaenat koi

ab is ke baad hawaen hi is ka muddat hain

shajar se TuT raha hai KHizan mein pat koi

tamam fitna-e-dauran mujhi se ubhre hain

kahan hai zist mein mujh se alaihida zat koi

hazar bar girai hain us ki diwaren

ki jaise dil bhi nahin dil hai somnat koi

abas main kaT raha hun ye zindagi 'mamun'

nahin hai jit koi is mein aur na mat koi