hamare zehn ki koi jihat qayasi na thi

hamāre zehn kī koī jihat qayāsī na thī

umiid saath thī har gaam par udāsī na thī

ye sach hai kūcha-e-jānāñ se lauT aa.e ham

magar diloñ kī fazā itnī to siyāsī na thī

hayā thī āñkhoñ meñ sāñsoñ meñ thā vaqār bahut

hamāre ahd meñ sab kuchh thā be-libāsī na thī

sameT paa.e na aap apne hī vajūd ko ham

jo baat us ne kahī thī hameñ zarā sī na thī

hamīñ ne toḌ diye aa.ine gharoñ ke 'nazar'

kuchh aisī shahr-e-nigārāñ meñ bad-havāsī na thī

hamare zehn ki koi jihat qayasi na thi

umid sath thi har gam par udasi na thi

ye sach hai kucha-e-jaanan se lauT aae hum

magar dilon ki faza itni to siyasi na thi

haya thi aankhon mein sanson mein tha waqar bahut

hamare ahd mein sab kuchh tha be-libasi na thi

sameT pae na aap apne hi wajud ko hum

jo baat us ne kahi thi hamein zara si na thi

hamin ne toD diye aaine gharon ke 'nazar'

kuchh aisi shahr-e-nigaran mein bad-hawasi na thi