ہماری بے بسی دیکھی نہیں ہے

ہماری بے بسی دیکھی نہیں ہے

ہوئی مدت کہ ہم نے پی نہیں ہے

بھلے ہی آسماں ہے راہبر تو

خدا کے سامنے کچھ بھی نہیں ہے

جہاں نے چاند تارے چھو لیے ہیں

پہیلی زیست کی سمجھی نہیں ہے

ستایا اس قدر ہم کو جہاں نے

کسی کی بات اب چبھتی نہیں ہے

اٹھا لوں سنگ ہاتھوں میں کہیں نہ

زباں خاموش ہے پر سی نہیں ہے

مرا عیب و ہنر کچھ بھی سمجھ لو

ذرا بھی لہجے میں تلخی نہیں ہے

وہ کہتے دل لگاؤ پر دھرمؔ نے

ابھی تو زندگی دیکھی نہیں ہے