hamari chand se sohbat nahin ho pai koshish ki

hamārī chāñd se sohbat nahīñ ho paa.ī koshish kī

zamīn-e-hijr se hijrat nahīñ ho paa.ī koshish kī

bhulāyā bhī tumhārī yaad ko kuchh der tak lekin

kabhī ye mustaqil aadat nahīñ ho paa.ī koshish kī

tumhārī be-ruḳhī tum se ḳhrīdūñ aur bartūñ maiñ

magar tai koī bhī qīmat nahīñ ho paa.ī koshish kī

duā.eñ māñgte hī rah ga.e bārān-e-rahmat kī

falak se āmad-e-rahmat nahīñ ho paa.ī koshish kī

tumhāre ahd-e-ulfat kī ḳhilāfat maan lī dil ne

tumhāre ba.ad ye bai'at nahīñ ho paa.ī koshish kī

kahā us ne chale jaao to āḳhir ham chale aa.e

kisī farmān par hujjat nahīñ ho paa.ī koshish kī

hamari chand se sohbat nahin ho pai koshish ki

zamin-e-hijr se hijrat nahin ho pai koshish ki

bhulaya bhi tumhaari yaad ko kuchh der tak lekin

kabhi ye mustaqil aadat nahin ho pai koshish ki

tumhaari be-ruKHi tum se KHridun aur bartun main

magar tai koi bhi qimat nahin ho pai koshish ki

duaen mangte hi rah gae baran-e-rahmat ki

falak se aamad-e-rahmat nahin ho pai koshish ki

tumhaare ahd-e-ulfat ki KHilafat man li dil ne

tumhaare baad ye bai'at nahin ho pai koshish ki

kaha us ne chale jao to aaKHir hum chale aae

kisi farman par hujjat nahin ho pai koshish ki