hamari gham-e-ashiqi gar waba hai

hamārī ġham-e-āshiqī gar vabā hai

to kyā phir tire paas koī davā hai

tirī yaad kal raat phir aise guzrī

ki jaise guzartī ye pāgal havā hai

hameñ bhī batā nā hamārī tarah phir

kise terī afsurdagī kā pata hai

gila kyā kareñ chhoḌ jaane bhī de ab

rahe tū bulandī pe merī duā hai

tujhe kyā ḳhabar terī nārāzgī ne

razā-mandī ko kaise kaise chhuā hai

ab uktā rahe ham bhī haiñ āshiqī se

aur is par tirā shahar bhī nāravā hai

ḳhizāñ kā ye mausam ye bechainī 'hāmid'

yahī terī sāda-dilī key sazā hai

hamari gham-e-ashiqi gar waba hai

to kya phir tere pas koi dawa hai

teri yaad kal raat phir aise guzri

ki jaise guzarti ye pagal hawa hai

hamein bhi bata na hamari tarah phir

kise teri afsurdagi ka pata hai

gila kya karen chhoD jaane bhi de ab

rahe tu bulandi pe meri dua hai

tujhe kya KHabar teri naraazgi ne

raza-mandi ko kaise kaise chhua hai

ab ukta rahe hum bhi hain aashiqi se

aur is par tera shahar bhi narawa hai

KHizan ka ye mausam ye bechaini 'hamid'

yahi teri sada-dili key saza hai