hamari is wafa par bhi dagha ki

hamārī is vafā par bhī daġhā kī

qasam khaa.ī thī o kāfir ḳhudā kī

vo musht-e-ustuḳhvāñ huuñ ai sag-e-yār

agar khaa.e sa.ādat hai humā kī

lab-e-shīrīñ kā jo bosa liyā thā

mirī us kī shakar-rañjī rahā kī

vafā se maiñ ne bhī ab haath uThāyā

qasam hai mujh ko apne bevafā kī

huī gar sulh bhī to bhī rahe jañg

milā jab dil to aañkh us se laḌā kī

faqīroñ ke qadam lete haiñ sultāñ

ye hai tāsīr naqsh-e-boriyā kī

tasavvur bañdh gayā jab us mizha kā

to pahroñ dil pe barchhī sī lagā kī

ḳhudā yuuñ jis ko chāhe de sa.ādat

vagarna sag meñ ḳhaslat hai humā kī

nahīñ uThtā hai sar sajde se merā

magar hai sajda-gāh us ḳhāk-e-pā kī

kahūñ jab maiñ ki be tere huuñ martā

to kahtā hai vo but marzī ḳhudā kī

na aayā minnatoñ se yaar jis dam

to phir kyā kyā ajal ke iltijā kī

hamari is wafa par bhi dagha ki

qasam khai thi o kafir KHuda ki

wo musht-e-ustuKHwan hun ai sag-e-yar

agar khae saadat hai huma ki

lab-e-shirin ka jo bosa liya tha

meri us ki shakar-ranji raha ki

wafa se main ne bhi ab hath uThaya

qasam hai mujh ko apne bewafa ki

hui gar sulh bhi to bhi rahe jang

mila jab dil to aankh us se laDa ki

faqiron ke qadam lete hain sultan

ye hai tasir naqsh-e-boriya ki

tasawwur bandh gaya jab us mizha ka

to pahron dil pe barchhi si laga ki

KHuda yun jis ko chahe de saadat

wagarna sag mein KHaslat hai huma ki

nahin uThta hai sar sajde se mera

magar hai sajda-gah us KHak-e-pa ki

kahun jab main ki be tere hun marta

to kahta hai wo but marzi KHuda ki

na aaya minnaton se yar jis dam

to phir kya kya ajal ke iltija ki