hamari tarah uThaya hai kis ne gham tanha

hamārī tarah uThāyā hai kis ne ġham tanhā

ki un ke saath zamāna hai aur ham tanhā

vafā kī raah meñ kāñTe qadam qadam pe mile

mire sivā to chale koī do qadam tanhā

ye kis maqām pe le aa.ī zindagī apnī

sitam ke tiir hazāroñ haiñ aur ham tanhā

jidhar nigāh ga.ī ajnabī se chehre the

dayār-e-shauq meñ phirte haiñ aaj ham tanhā

hamāre baad nisār-e-vafā kahāñ koī

phire hai shahr meñ be-ābrū sitam tanhā

ḳhushī kī bhiik 'payāmī' na maañg ġhairoñ se

ki kaam vaqt pe aatā hai apnā ġham tanhā

hamari tarah uThaya hai kis ne gham tanha

ki un ke sath zamana hai aur hum tanha

wafa ki rah mein kanTe qadam qadam pe mile

mere siwa to chale koi do qadam tanha

ye kis maqam pe le aai zindagi apni

sitam ke tir hazaron hain aur hum tanha

jidhar nigah gai ajnabi se chehre the

dayar-e-shauq mein phirte hain aaj hum tanha

hamare baad nisar-e-wafa kahan koi

phire hai shahr mein be-abru sitam tanha

KHushi ki bhik 'payami' na mang ghairon se

ki kaam waqt pe aata hai apna gham tanha