haman hain ishq mastana haman ko hoshiyari kya

haman haiñ ishq mastāna haman ko hoshiyārī kyā

raheñ āzād yā jag se haman duniyā se yaarī kyā

jo bichhḌe haiñ piyāre se bhaTakte dar-ba-dar phirte

hamārā yaar hai ham meñ haman ko intizārī kyā

ḳhalaq sab naam apne ko bahut kar sar paTaktā hai

haman gar naam sāñcha hai haman duniyā se yaarī kyā

na pal bichhḌeñ piyā ham se na ham bichhḌe piyāre se

unhīñ se neh laagī hai haman ko be-qarārī kyā

'kabīrā' ishq kā maatā duī ko duur kar dil se

jo chalnā raah nāzuk hai haman sar bojh bhārī kyā

haman hain ishq mastana haman ko hoshiyari kya

rahen aazad ya jag se haman duniya se yari kya

jo bichhDe hain piyare se bhaTakte dar-ba-dar phirte

hamara yar hai hum mein haman ko intizari kya

KHalaq sab nam apne ko bahut kar sar paTakta hai

haman gar nam sancha hai haman duniya se yari kya

na pal bichhDen piya hum se na hum bichhDe piyare se

unhin se neh lagi hai haman ko be-qarari kya

'kabira' ishq ka mata dui ko dur kar dil se

jo chalna rah nazuk hai haman sar bojh bhaari kya