hamein aamad-e-mir kal bha gai

hameñ āmad-e-'mīr' kal bhā ga.ī

tarah is meñ majnūñ kī sab pā ga.ī

kahāñ kā ġhubār-e-āh dil meñ ye thā

mirī ḳhaak badlī sī sab chhā ga.ī

kyā paas bulbul-e-ḳhizāñ ne na kuchh

gul-o-barg be-dard phailā ga.ī

huī sāmne yuuñ to ek ek ke

hameñ se vo kuchh aañkh sharmā ga.ī

jigar muñh tak aate nahīñ bolte

ġharaz ham bhī karte haiñ kyā kyā ga.ī

na ham-rah koī nā kasī se gayā

mirī laash tā-gor tanhā ga.ī

ghaTā sham.a saañ kyuuñ na jā.ūñ chalā

tab-e-ġham jigar ko mire khā ga.ī

koī rahne vaalī hai jaan aziiz

ga.ī gar na imroz fardā ga.ī

kiye dast-o-pā gum jo 'mīr' aa gayā

vafā-pesha majlis use pā ga.ī

hamein aamad-e-'mir' kal bha gai

tarah is mein majnun ki sab pa gai

kahan ka ghubar-e-ah dil mein ye tha

meri KHak badli si sab chha gai

kya pas bulbul-e-KHizan ne na kuchh

gul-o-barg be-dard phaila gai

hui samne yun to ek ek ke

hamein se wo kuchh aankh sharma gai

jigar munh tak aate nahin bolte

gharaz hum bhi karte hain kya kya gai

na ham-rah koi na kasi se gaya

meri lash ta-gor tanha gai

ghaTa shama san kyun na jaun chala

tab-e-gham jigar ko mere kha gai

koi rahne wali hai jaan aziz

gai gar na imroz farda gai

kiye dast-o-pa gum jo 'mir' aa gaya

wafa-pesha majlis use pa gai