hamein KHabar thi bachane ka us mein yara nahin

hameñ ḳhabar thī bachāne kā us meñ yaarā nahīñ

so ham bhī Duub ga.e aur use pukārā nahīñ

ḳhud āftāb mirī raah kā charāġh bane

magar ye baat mire chāñd ko gavārā nahīñ

jo us meñ utrī to tūfān hī mileñge mujhe

maiñ jāntī huuñ ki vo mauj hai kinārā nahīñ

ajab fazā hai ki rañg-e-numūd-e-sub.h bhī hai

siyāh raat ne bhī pairahan utārā nahīñ

vajūd jis ko kisī mo'tabar shajar ne diyā

havā kī zad meñ bhī tinkā vo be-sahārā nahīñ

jalegā ḳhud bhī sahar tak mujhe bhī lau degā

charāġh-e-shām koī baḳht kā sitārā nahīñ

hamein KHabar thi bachane ka us mein yara nahin

so hum bhi Dub gae aur use pukara nahin

KHud aaftab meri rah ka charagh bane

magar ye baat mere chand ko gawara nahin

jo us mein utri to tufan hi milenge mujhe

main jaanti hun ki wo mauj hai kinara nahin

ajab faza hai ki rang-e-numud-e-subh bhi hai

siyah raat ne bhi pairahan utara nahin

wajud jis ko kisi mo'tabar shajar ne diya

hawa ki zad mein bhi tinka wo be-sahaara nahin

jalega KHud bhi sahar tak mujhe bhi lau dega

charagh-e-sham koi baKHt ka sitara nahin