hamein un se mohabbat hai zarurat se ziyaada hi

hameñ un se mohabbat hai zarūrat se ziyādā hī

unheñ ham se shikāyat hai zarūrat se ziyāda hī

sitāre rashk karte haiñ nazāre rashk karte haiñ

mirī jaañ ḳhūbsūrat hai zarūrat se ziyāda hī

milā hai ham-navā aisā jo merā ham-zabāñ bhī hai

pasand us ko bhī 'sarvat' hai zarūrat se ziyāda hī

farishtoñ ko sunā.ūñgā maiñ barg-e-gul ke afsāne

kahānī meñ sadāqat hai zarūrat se ziyāda hī

ḳhalāoñ meñ chalā jaatā huuñ aksar ghūmne ko maiñ

zamīñ par phailī nafrat hai zarūrat se ziyāda hī

virāsat meñ bhalā legī bhī kyā nasl-e-far-o-māya

ġhazal meñ bhī siyāsat hai zarūrat se ziyāda hī

ġhazal sapne meñ kahne aa.ī thī kal baat ye mujh se

mujhe terī zarūrat hai zarūrat se ziyāda hī

nakīr-o-munkir-o-rizvāñ suneñge sher ab mere

'shafaq' kī in ko chāhat hai zarūrat se ziyāda hī

hamein un se mohabbat hai zarurat se ziyaada hi

unhen hum se shikayat hai zarurat se ziyaada hi

sitare rashk karte hain nazare rashk karte hain

meri jaan KHubsurat hai zarurat se ziyaada hi

mila hai ham-nawa aisa jo mera ham-zaban bhi hai

pasand us ko bhi 'sarwat' hai zarurat se ziyaada hi

farishton ko sunaunga main barg-e-gul ke afsane

kahani mein sadaqat hai zarurat se ziyaada hi

KHalaon mein chala jata hun aksar ghumne ko main

zamin par phaili nafrat hai zarurat se ziyaada hi

wirasat mein bhala legi bhi kya nasl-e-far-o-maya

ghazal mein bhi siyasat hai zarurat se ziyaada hi

ghazal sapne mein kahne aai thi kal baat ye mujh se

mujhe teri zarurat hai zarurat se ziyaada hi

nakir-o-munkir-o-rizwan sunenge sher ab mere

'shafaq' ki in ko chahat hai zarurat se ziyaada hi