hamesha zindagi ki har kami ko jite rahte hain

hamesha zindagī kī har kamī ko jiite rahte haiñ

jise ham jī nahīñ paa.e usī ko jiite rahte haiñ

hamāre dukh kī bārish ko koī dāman nahīñ miltā

hamārī aañkh ke bādal namī ko jiite rahte haiñ

kisī ke saath haiñ rasmeñ kisī ke saath haiñ qasmeñ

kisī ke saath jiinā hai kisī ko jiite rahte haiñ

hameñ ma.alūm hai ik din bharosa TuuT jā.egā

magar phir bhī sarāboñ meñ nadī ko jiite rahte haiñ

hamāre saath chaltī hai tumhāre pyaar kī ḳhushbū

lagā.ī thī jo tum ne us lagī ko jiite rahte haiñ

chahakte ghar mahakte khet aur vo gaañv kī galiyāñ

jinheñ ham chhoḌ aa.e un sabhī ko jiite rahte hai

ḳhudā ke nām-levā ham bhī haiñ tum bhī ho aur vo bhī

magar afsos sab apnī ḳhudī ko jiite rahte haiñ

hamesha zindagi ki har kami ko jite rahte hain

jise hum ji nahin pae usi ko jite rahte hain

hamare dukh ki barish ko koi daman nahin milta

hamari aankh ke baadal nami ko jite rahte hain

kisi ke sath hain rasmen kisi ke sath hain qasmen

kisi ke sath jina hai kisi ko jite rahte hain

hamein malum hai ek din bharosa TuT jaega

magar phir bhi sarabon mein nadi ko jite rahte hain

hamare sath chalti hai tumhaare pyar ki KHushbu

lagai thi jo tum ne us lagi ko jite rahte hain

chahakte ghar mahakte khet aur wo ganw ki galiyan

jinhen hum chhoD aae un sabhi ko jite rahte hai

KHuda ke nam-lewa hum bhi hain tum bhi ho aur wo bhi

magar afsos sab apni KHudi ko jite rahte hain