hangam-e-naza mahw hun tere KHayal ka

hañgām-e-naza.a mahv huuñ tere ḳhayāl kā

mushtāq huuñ farishta-e-sāhib-jamāl kā

pairāhan us javāñ ne jo pahnā hai chhāl kā

miltā nahīñ chaman meñ mizāj ik nihāl kā

ālūda be-gunāhoñ ke ḳhuuñ se hai teġh-e-charḳh

nā-fahmoñ ko gumāñ hai shafaq meñ hilāl kā

shāna baneñge ba.ad-e-fanā apne ustuḳhāñ

uqda khulegā gesuoñ ke baal baal kā

biinī suhail mushtarī o zohra gosh haiñ

qutub-e-shumāl-e-husn hai til tere gaal kā

kis kis bashar ko laa.ī hai duniyā fareb meñ

kyā kyā javāñ murīd hai us pīr-zāl kā

laatī hai vaañ qazā-o-qadar murġh-e-rūh ko

paanī jahāñ qafas kā hai daana hai jaal kā

amrad-parast hai to gulistāñ kī sair kar

har naunihāl rashk hai yaañ ḳhurd-sāl kā

ik dam maiñ jā milūñgā azīzān-e-rafta se

kyā arsa hai zamāna-e-māzī se haal kā

surḳh o safed rañg se hotā hai āshkār

vo jism-e-nāznīñ hai abiir o gulāl kā

ai dil qazā na aa.e idhar TikTikī na bāñdh

golī kā sāmnā hai ye nazzāra ḳhaal kā

bosa diye se husn meñ hogī kamī na yaar

hotā nahīñ zakāt se nuqsān maal kā

vo chashm hī nahīñ dil-e-vahshī kī fikr meñ

har turk ko hai shauq shikār-e-ġhazāl kā

zanjīr o tauq har baras aa kar pinhā ga.ī

dīvāna huuñ maiñ bād-e-bahārī kī chaal kā

roz-e-siyāh hijr meñ mere jale charāġh

parvānoñ ko nasīb huā din visāl kā

rone ke badle haal par apne hañsā kiye

parda huā na faash hamāre malāl kā

dikhlāyā be-naqāb jise banda ho gayā

vo rū-e-sāda-naqsh hai sāhib kamāl kā

kartī hai yaañ zabān-e-kamar yaar meñ kalām

ma.adūm hai javāb hamāre savāl kā

'ātish' lahad se uTThūñgā kahtā ye roz-e-hashr

mushtāq huuñ maiñ yaar ke husn-o-jamāl kā

hangam-e-naza mahw hun tere KHayal ka

mushtaq hun farishta-e-sahib-jamal ka

pairahan us jawan ne jo pahna hai chhaal ka

milta nahin chaman mein mizaj ek nihaal ka

aaluda be-gunahon ke KHun se hai tegh-e-charKH

na-fahmon ko guman hai shafaq mein hilal ka

shana banenge baad-e-fana apne ustuKHan

uqda khulega gesuon ke baal baal ka

bini suhail mushtari o zohra gosh hain

qutub-e-shumal-e-husn hai til tere gal ka

kis kis bashar ko lai hai duniya fareb mein

kya kya jawan murid hai us pir-zal ka

lati hai wan qaza-o-qadar murgh-e-ruh ko

pani jahan qafas ka hai dana hai jal ka

amrad-parast hai to gulistan ki sair kar

har naunihaal rashk hai yan KHurd-sal ka

ek dam main ja milunga azizan-e-rafta se

kya arsa hai zamana-e-mazi se haal ka

surKH o safed rang se hota hai aashkar

wo jism-e-naznin hai abir o gulal ka

ai dil qaza na aae idhar TikTiki na bandh

goli ka samna hai ye nazzara KHal ka

bosa diye se husn mein hogi kami na yar

hota nahin zakat se nuqsan mal ka

wo chashm hi nahin dil-e-wahshi ki fikr mein

har turk ko hai shauq shikar-e-ghazal ka

zanjir o tauq har baras aa kar pinha gai

diwana hun main baad-e-bahaari ki chaal ka

roz-e-siyah hijr mein mere jale charagh

parwanon ko nasib hua din visal ka

rone ke badle haal par apne hansa kiye

parda hua na fash hamare malal ka

dikhlaya be-naqab jise banda ho gaya

wo ru-e-sada-naqsh hai sahib kamal ka

karti hai yan zaban-e-kamar yar mein kalam

madum hai jawab hamare sawal ka

'atish' lahad se uTThunga kahta ye roz-e-hashr

mushtaq hun main yar ke husn-o-jamal ka