ہنگامۂ آفات ادھر بھی ہے ادھر بھی
دلچسپ معلومات
1952
ہنگامۂ آفات ادھر بھی ہے ادھر بھی
بربادیٔ حالات ادھر بھی ہے ادھر بھی
ہونٹوں پہ تبسم کبھی پلکوں پہ ستارے
یہ دل کی کرامات ادھر بھی ہے ادھر بھی
بے چین اگر میں ہوں تو وہ بھی ہیں پریشاں
در پردہ کوئی بات ادھر بھی ہے ادھر بھی
آشفتگئ قلب و نظر چھپ نہ سکے گی
اک محشر جذبات ادھر بھی ہے ادھر بھی
ہر چند تکلف ہے ملاقات میں لیکن
ارمان ملاقات ادھر بھی ہے ادھر بھی
مجرم کسے گردانیے کہئے کسے معصوم
اک سیل شکایات ادھر بھی ہے ادھر بھی
کیوں کر کبھی نکلے گی کوئی صلح کی صورت
اک تلخئ جذبات ادھر بھی ہے ادھر بھی
ان کو بھی کوئی رنج ہے مجھ کو بھی کوئی غم
اک فکر سی دن رات ادھر بھی ہے ادھر بھی
افسوس بھری بزم میں بھی مل نہیں سکتے
کچھ پاس روایات ادھر بھی ہے ادھر بھی
جو ترک تعلق پہ بھی جاتی نہیں دل سے
وہ دل کی لگی بات ادھر بھی ہے ادھر بھی
نالے بھی شرر بار ہیں نغمے بھی شرر بار
اک آتش جذبات ادھر بھی ہے ادھر بھی
اخگرؔ ہی کا دامن نہیں نمناک شب غم
آنکھوں کی یہ برسات ادھر بھی ہے ادھر بھی
- wada-e-farda
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
