hangama hai na fitna-e-dauran hai aaj-kal
hañgāma hai na fitna-e-daurāñ hai āj-kal
har samt sham-e-amn farozāñ hai āj-kal
sunñe meñ aa rahe haiñ masarrat ke vāqi.āt
jamhūriyat kā husn numāyāñ hai āj-kal
jo ġhuncha hai vo apne tabassum meñ mast hai
jo phuul hai bahār-ba-dāmāñ hai āj-kal
nazroñ meñ iztirāb na dil meñ koī khaTak
kāñToñ se paak sehn-e-gulistāñ hai āj-kal
muddat ke ba.ad aayā hai āzādiyoñ kā lutf
afsurda hai na koī pareshāñ hai āj-kal
ab ahl-e-kārvāñ kā bhaTaknā bahāl hai
ḳhud mīr-e-kārvāñ hī nigahbāñ hai āj-kal
jis anjuman meñ jaate na the pahle ahl-e-dil
'sherī' us anjuman meñ ġhazal-ḳhvāñ hai āj-kal
hangama hai na fitna-e-dauran hai aaj-kal
har samt sham-e-amn farozan hai aaj-kal
sunne mein aa rahe hain masarrat ke waqiat
jamhuriyat ka husn numayan hai aaj-kal
jo ghuncha hai wo apne tabassum mein mast hai
jo phul hai bahaar-ba-daman hai aaj-kal
nazron mein iztirab na dil mein koi khaTak
kanTon se pak sehn-e-gulistan hai aaj-kal
muddat ke baad aaya hai aazadiyon ka lutf
afsurda hai na koi pareshan hai aaj-kal
ab ahl-e-karwan ka bhaTakna bahaal hai
KHud mir-e-karwan hi nigahban hai aaj-kal
jis anjuman mein jate na the pahle ahl-e-dil
'sheri' us anjuman mein ghazal-KHwan hai aaj-kal
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
