hans diye zaKHm-e-jigar jaise ki gul-ha-e-bahaar

hañs diye zaḳhm-e-jigar jaise ki gul-hā-e-bahār

mujh pe maa.il hai bahut nargis-e-shahlā-e-bahār

be-ḳhayālī hai ḳhayāl-e-ruḳh-e-zebā-e-bahār

bas yahī ārzu-e-dil hai ki aa jaa.e bahār

mast in surḳh nazāroñ meñ nazar aa.e bahār

ātish-e-soz-e-mohabbat se jo jal jaa.e bahār

misl-e-majnūñ nazar aayā mujhe saudā-e-bahār

saj ke aa.ī hai mire sāmne lailā-e-bahār

jab vo gulshan meñ sañvartī hai barastī hai sharāb

jab vo bahke to zamāne ko bhī bahkā.e bahār

jhuum kar phuul ruḳh-e-yār pe hote haiñ fidā

kaif-e-nazzārgī-e-husn se lahrā.e bahār

kashish-e-rañg-e-mohabbat se vo aayā hai yahāñ

ai ḳhudā ab mire ghar se na kabhī jaa.e bahār

mo.ajiza maiñ ne ye dekhā tire lab par aksar

muskurāhaT meñ nihāñ barq-e-tajallā-e-bahār

mirī āñkhoñ meñ utar aa.ī hai tasvīr tirī

merī āñkhoñ se zarā dekh tamāsha-e-bahār

ā.īna dil kā 'suhail' ā.īna-e-shauq hai bas

us kī ma.asūm nigāhī se na sharmā.e bahār

hans diye zaKHm-e-jigar jaise ki gul-ha-e-bahaar

mujh pe mail hai bahut nargis-e-shahla-e-bahaar

be-KHayali hai KHayal-e-ruKH-e-zeba-e-bahaar

bas yahi aarzu-e-dil hai ki aa jae bahaar

mast in surKH nazaron mein nazar aae bahaar

aatish-e-soz-e-mohabbat se jo jal jae bahaar

misl-e-majnun nazar aaya mujhe sauda-e-bahaar

saj ke aai hai mere samne laila-e-bahaar

jab wo gulshan mein sanwarti hai barasti hai sharab

jab wo bahke to zamane ko bhi bahkae bahaar

jhum kar phul ruKH-e-yar pe hote hain fida

kaif-e-nazzargi-e-husn se lahrae bahaar

kashish-e-rang-e-mohabbat se wo aaya hai yahan

ai KHuda ab mere ghar se na kabhi jae bahaar

moajiza main ne ye dekha tere lab par aksar

muskurahaT mein nihan barq-e-tajalla-e-bahaar

meri aankhon mein utar aai hai taswir teri

meri aankhon se zara dekh tamasha-e-bahaar

aaina dil ka 'suhail' aaina-e-shauq hai bas

us ki masum nigahi se na sharmae bahaar