hansta hai bar bar mera yar dekh kar

hañstā hai baar baar mirā yaar dekh kar

mujh ko musībatoñ meñ giraftār dekh kar

ye kārobār-e-shauq hai vo sāhib-hunar

sāmān bechte haiñ ḳharīdār dekh kar

vo har qadam pe Thokareñ khāte haiñ bārhā

chalte nahīñ jo vaqt kī raftār dekh kar

pazhmurda phuul hai vo isī nau-bahār kā

patthar na pheñko tanz kā bekār dekh kar

vo log pāsbān-e-haram ho na pā.eñge

jo bhāgte haiñ lashkar-e-kuffār dekh kar

hairat-zada rahegā vo maidān-e-hashr meñ

jo mujh ko Toktā thā gunahgār dekh kar

pyāre nabī ke nutq kā e.ajāz dekhiye

kankar bhī kalima paḌhte haiñ guftār dekh kar

'anjum' vatan kī yaad bhī shiddat se aa ga.ī

ik mādar-e-ġharīb ko bīmār dekh kar

hansta hai bar bar mera yar dekh kar

mujh ko musibaton mein giraftar dekh kar

ye karobar-e-shauq hai wo sahib-hunar

saman bechte hain KHaridar dekh kar

wo har qadam pe Thokaren khate hain barha

chalte nahin jo waqt ki raftar dekh kar

pazhmurda phul hai wo isi nau-bahaar ka

patthar na phenko tanz ka bekar dekh kar

wo log pasban-e-haram ho na paenge

jo bhagte hain lashkar-e-kuffar dekh kar

hairat-zada rahega wo maidan-e-hashr mein

jo mujh ko Tokta tha gunahgar dekh kar

pyare nabi ke nutq ka eajaz dekhiye

kankar bhi kalima paDhte hain guftar dekh kar

'anjum' watan ki yaad bhi shiddat se aa gai

ek madar-e-gharib ko bimar dekh kar