haq kisi ka ada nahin hota

haq kisī kā adā nahīñ hotā

varna insāñ se kyā nahīñ hotā

dil kā jaanā to baat ba.ad kī hai

dil kā aanā burā nahīñ hotā

kyā huā dil ko muddateñ guzrīñ

zikr-e-mehr-o-vafā nahīñ hotā

husn ke haiñ hazār-hā pahlū

ek pahlū adā nahīñ hotā

ḳhud pe kyā kyā vo naaz karte haiñ

jab koī dekhtā nahīñ hotā

dil bujhā ho to ḳhanda-e-gul bhī

chubhtā hai jāñ-fizā nahīñ hotā

DhūñDh laatī hai ek shoḳh nigāh

lab pe jo mudda.ā nahīñ hotā

ḳhuuñ bahāte haiñ be-gunāhoñ kā

ye koī ḳhūñ-bahā nahīñ hotā

zindagī meñ haiñ talḳhiyāñ phir bhī

aadmī be-mazā nahīñ hotā

haq to 'hāmid' ye hai ki haq ke sivā

koī mushkil-kushā nahīñ hotā

haq kisi ka ada nahin hota

warna insan se kya nahin hota

dil ka jaana to baat baad ki hai

dil ka aana bura nahin hota

kya hua dil ko muddaten guzrin

zikr-e-mehr-o-wafa nahin hota

husn ke hain hazar-ha pahlu

ek pahlu ada nahin hota

KHud pe kya kya wo naz karte hain

jab koi dekhta nahin hota

dil bujha ho to KHanda-e-gul bhi

chubhta hai jaan-fiza nahin hota

DhunDh lati hai ek shoKH nigah

lab pe jo muddaa nahin hota

KHun bahate hain be-gunahon ka

ye koi KHun-baha nahin hota

zindagi mein hain talKHiyan phir bhi

aadmi be-maza nahin hota

haq to 'hamid' ye hai ki haq ke siwa

koi mushkil-kusha nahin hota