haq se hua tha kabhi sina-e-alam gudaz

haq se huā thā kabhī sīna-e-ālam gudāz

mujh ko sunā dījiye phir vo navā-hā-e-rāz

zauq-e-talab hai to phir sūd-o-ziyāñ se guzar

rāh-e-vafā meñ na kar fikr-e-nasheb-o-farāz

aa hī ga.ī thī aaj niiñd sañg-e-dar-e-yār par

be-ḳhudī-e-ārzū umr ho terī darāz

phir dil-e-betāb ko chāhiye soz-o-gudāz

mutrib-e-ātish-nafs chheḌ chheḌ aur apnā raaz

kah chuke sab hāl-e-dil bārgah-e-dost meñ

'aḳhtar'-e-ḳhāmosh chheḌ tū bhī hadīs-e-niyāz

haq se hua tha kabhi sina-e-alam gudaz

mujh ko suna dijiye phir wo nawa-ha-e-raaz

zauq-e-talab hai to phir sud-o-ziyan se guzar

rah-e-wafa mein na kar fikr-e-nasheb-o-faraaz

aa hi gai thi aaj nind sang-e-dar-e-yar par

be-KHudi-e-arzu umr ho teri daraaz

phir dil-e-betab ko chahiye soz-o-gudaz

mutrib-e-atish-nafs chheD chheD aur apna raaz

kah chuke sab haal-e-dil bargah-e-dost mein

'aKHtar'-e-KHamosh chheD tu bhi hadis-e-niyaz