haqiqat bhi lagne lagi hai kahani

haqīqat bhī lagne lagī hai kahānī

mujhe khā ga.ī hai mirī ḳhush-bayānī

nahīñ yaad mujh se milā thā kabhī vo

vagarna use yaad hai har kahānī

koī yaar bairī na apnā agar ho

to ye zindagī hai faqat rā.egānī

bas ik call par hī chale aa.e ho tum

navāzish karam shukriya mehrbānī

yahāñ dūr-o-nazdīk shahr-e-butāñ hai

kisī ko nahīñ dil kī hālat batānī

umaD aayā dil aise āñkhoñ meñ 'jāzib'

ki yakjā hoñ jaise kahīñ aag paanī

haqiqat bhi lagne lagi hai kahani

mujhe kha gai hai meri KHush-bayani

nahin yaad mujh se mila tha kabhi wo

wagarna use yaad hai har kahani

koi yar bairi na apna agar ho

to ye zindagi hai faqat raegani

bas ek call par hi chale aae ho tum

nawazish karam shukriya mehrbani

yahan dur-o-nazdik shahr-e-butan hai

kisi ko nahin dil ki haalat batani

umaD aaya dil aise aankhon mein 'jazib'

ki yakja hon jaise kahin aag pani